2010-10-05 19:03:14燕仔
優格核桃香蕉蛋糕
呢個蛋糕俾我好深既印象係好易發霉~
真係第一次見到蛋糕咁易霉, 仲真係見到綠色既霉菌,好得人驚~
個陣係跟老師學整蛋糕, 可能係台灣較濕熱, D野唔放雪櫃唔得~
今次係番黎澳門第一次整呢個蛋糕,
精左喇~整好個晚都係放入雪櫃安心D~
不過雪過真係好硬, 每次食都要烘番熱等佢回軟番~
呢個蛋糕都算易整~佢唔似一般奶油蛋糕咁,
佢既蛋既份量比奶油同糖少, SO唔怕油水分離既危險~
打到差唔多再加D優格~再篩麵粉, 加香蕉合桃, 拌勻就可以焗~
要講下個優格, 係SWISS既優格哦!買個陣無標價錢, 俾錢先知係貴野~
就咁食真係一D都唔甜~就係酸牛奶~
下次試下用國貨唔知有無分別~哈~
出爐放涼一下就切左片黎食~超正!
有種說不出既感動~好好味呀!
今次隻香蕉都幾熟~唔係自己買架~HEHE~一隻蕉就夠~SO GOOD!
每天早餐吃一片~份外醒神~~