俾julie & julia既激發下, 又唔想溫日文咁~就動手整蛋糕喇~

之前都有諗過整呢款蛋糕,

乍看之下, 查實好平平無奇, 食落就有股好香既柚子味~都幾適合依家秋涼既天氣~

老師俾我地既食譜係柚香海綿蛋糕, 之前我都有整過,

今次我按老師俾我地既戚風底自己再加柚子茶醬入去~

而且我有特登剪碎d柚子皮先, 因為之前整海綿蛋糕個陣無剪就全部沉底,

so今次剪過就唔怕, 而且柚子皮會周圍都分配到~

柚子醬剪好就加埋入去牛奶度稍為加熱, 等d醬可以溶下~

呢個步驟我係參考有網友會用熱水開左d醬先咁~而我係用鮮奶~

過程步驟就同一般戚風差唔多, 搞完蛋黃再打蛋白, 混合再焗,

今次一直溫度hold係165左右, 係最後個幾分鐘先降到150,

都唔怕裂得好勁, 表面有dd黑, 都算幾成功~

試味係覺得柚子醬可以再多d~~到時糖分可以減少d~等柚子味可以勁d~

我爸食緊個陣, 我問佢食唔食得出咩味,

佢話咪蛋糕......蛋味lor...............orz

不過今日婷婷食過就覺得好好味~~開心+暗爽~

總算係日文考試既苦中一點甜~