為左紀念份爛工做左1週年,

今日特登整左個抹茶天使蛋糕~

其實d材料一個禮拜前就準備左, 到今日先動手~

上次整既抹茶餅乾有點不堪入目,

so今次整蛋糕真係要打醒十二分精神,

天使蛋糕其實要做到無油脂成份, 好似天使咁輕盈,

but根據老師既食譜, 因為完全無油份會令到蛋糕好韌, so都係加左沙拉油入去,

而呢個蛋糕係純靠蛋白打發, 無蛋黃或者泡打粉係入面,

so準備材料其實好簡單, 最令我呢hea就係分蛋黃蛋白,

真係要好好練下, 分得又慢又差~

無用既蛋黃就交俾阿媽晚飯處置lor~

一開始將抹茶粉加入牛奶再過篩, 呢個過程有點怪, 但我照做,

but發現咁樣會浪費左好多抹茶粉, 下次再睇參考下人地點做先~

接著就好簡單地拌好麵粉再打發埋蛋白, ok晒再加埋紅豆就可以送入焗爐~

值得一提係呢罐紅豆, 之前我有試過自己去煮甜紅豆, 但唔多成功,

今次係超市發現呢罐紅豆就買番黎試下,

有試過味都ok不俗的說, 而且紅豆好大粒添!

出爐倒扣放涼就試吃~

挺不錯, 但我嫌抹茶味唔夠重~但咁樣搭住紅豆黎食又幾好味~

下次要加強d抹茶既部分~

同埋其實食落真係幾似戚風蛋糕, 但佢無咁軟趴趴, 比較企身~都幾不錯~

又講番份爛工都無咩值得紀念, 但呢一年, 我覺得慢慢看清自己,

雖然將來既事無法預計, 但呢一年經常審視自己既過去同現在, 經歷好多負面情緒同思緒,

流過好多眼淚, 好彩有一班好好既朋友係身邊,

出黎社會見識亦都學識一個人既寂寞, 有d野你可以講出黎發洩出黎,

但其他人未必可以設身處地有相同既感受,

不過有一個樹窿, 有一雙耳朵, 可以聆聽自己既無病呻吟, 發癲牢騷, 已經好幸福了~thx!

We need to move on, life still go on, no matter what.

ps. 岩岩睇番老師既成品, 靚十倍, 真係要加油!