禮拜一晚我開電腦, 將去美國既相相都存好,

仲睇左一次自己拍既白痴影片,

關機前同大灰係msn晚安後,

可怕既事就發生.

部電腦不斷自己重開, 即係熄唔到機,

我叫阿哥幫手睇下咩事,

結果佢睇完再試過,

結論係部腦死左,

佢係安全模式下都無法進入windows,

尋晚佢試過repair windows, 都係唔成功, 佢都唔確定可唔可以攞番入面既資料.

電腦入面有我大學四年以黎既東西,

仲有呢一年既相片影片,

我唔係一個做足萬全準備既人,

所以部腦咁突然死左, 我完全無任何備份.

好討厭電腦,

其實佢同人一樣,

死了就死了,

那些回憶什麼東東重要的不重要的深刻的遺忘的統統一概不留的一起死去了.

上次小hp死去時都係咁, 好彩d資料攞得番,

感覺好似器官移植, 佢既記憶係幾片dvd光碟內繼續保存落黎.

今次部大desktop, 我唔知有無咁好彩, 若果真係無法挽回什麼, 點算?

感覺好差,

呢兩日都訓得唔好,

訓著都會紮醒訓唔番,

好似呢幾年既回憶被掏空了一樣,

原來我依賴既東西係咁不堪一擊,

以後我應該多買幾個外置硬盤,

多買十本八本相簿,

多買幾張記憶卡,

但我還是討厭電腦.

腦袋一片空白, 心情跟天空一樣灰, so frustrated!

自從美國番黎以後都遇到d衰事,

今日連電話都唔記得帶,

拜託你的first call唔好咁識揀日子,

然後,

也沒有然後,

腦袋放空,

繼續發呆.

我真是浪費公司資源的大爛人~