自從大學畢業之後, 每晚都有住家餸食, 再唔係就同朋友聚餐,

今日難得自己一個係屋企食飯,

其實係公司已經煩左好耐要食乜好,

仲諗緊要唔要自己整下磨練下d手藝添~

但最後都係放棄左, 因為放工已經好累又餓,

咁買開明早既麵包就順便買埋晚餐,

本來諗住食下意粉, 但中午又食左麵,

食飯又唔知食乜好,

突然腦海閃過一個念頭,

不如食個十蚊飯!

依家物價高漲, 當然唔止十蚊, 升值到十三蚊喇~

不過都三餸一湯, 幾扺, 份量絕對係夠飽!

你地睇下盒飯, 以前高二高三既我, 每個禮拜食三四次中午都係食晒成盒飯~

依家就唔得喇~點都唔可以俾自己食咁多飯~

以前真係好過份, 又豬排又雞翼又排骨, 食肉獸! 依家都唔敢lu~一定要食番d菜~

今日食番呢盒飯, 好多記憶浮番出黎,

我記得中午成日拉埋古古陪我去買飯, 佢好唔明點解成日都要食呢d飯,

我日日咁食法好似上癮咁, so佢叫呢d做鴉片飯,

我覺得呢個名幾搞笑,

不過呢d飯真係陪伴左我好幾年既時光,

真懷念~

咁樣自己一個食飯又好似番番去台灣咁,

成日都對住部腦食飯~

人生每個階段都不同