今日算係早左起身,換好衫落街等阿爸車我番工,
番黎之後我冇再番學校去睇，
但係每日朝早仲係會見到好多學妹奔跑番學既現象，
奔跑既感覺好好，
以前番學我都係咁跑過，
甚至會以番學遇到咩人見到邊個去調整步速，
因為當你遇到某人就代表你可以放緩腳步，
當你見到某人正在奔跑個陣就需要跑得更快，
哈～～學生既時代一直都在奔跑，
連入左大學都係咁狂奔同飆單車～
出黎社會做野之後，冇再奔跑，整個人好似穩定落黎咁，
但其實我仲係好享受奔跑既感覺，
心跳，呼吸，肌肉，壓抑不住的強烈～

個腦入面一直播放住謝安琪既囍帖街，
諗起尋日睇到一本雜誌入面放左好多澳門以前既街景，
舊式巴士，街邊理髮，小攤販，水浸，高士德趕牛，第一道大橋落成，
黑白照記載著澳門的歷史，
我們也會成為歷史的一部分吧～
即使離開澳門幾多次，我想我還是會回來的～