尋日一整日就係屋企整緊大四既相簿，
大四既相好多好多，
ｐｏ滿晒成張枱，
最後一年經歷左好多好多，
由迎新宿營到拍畢業照，呢一年既生活好精彩好豐盛，
每日番工番學，假日就烘焙，
有時又去下旅行，搞下活動，
讀書依然係有辛苦無奈既時候，
但係亦都因為讀書，我地就聚集一齊，
係317呢間房，係校園不同既角落，可以有咁多回憶，
書讀完左，就要分開，
畢業的確係人生既一個轉捩點，
當我地投入去工作既時候，就會好懷念以前既學生生活，
最近我發夢有時都會夢見中學時代，
都係一ｄ好開心既事～
依家番工所做既同我所學既係兩碼子既事，
工作並冇帶俾我好大既快樂或者滿足感，
我有諗過係咪要番去繼續讀書呢？
再係咁工作落去，我相信我好快會迷失自我，
有時會羨慕護士、醫生既同學，因為佢地可以學以致用，
不過大學四年我始終係快活地過，
心理系真係唔係一個可以呃飯食既系，
但係佢俾左我好多知識，只係唔屬於工作培訓，
番到黎澳門覺得搵錢真係好重要，
一旦將來要買屋養家，好似依家人工咁少既情況之下係冇可能既事，
青春好少，想做呢樣做個樣就要識得去安排，
最近一諗到條路要點行就會好煩，
因為我真係唔知條路應該點行先好～唉～
對於依家既生活，我唔可以話好滿意，只能說每日埋頭苦幹，
同自己講要割禾就要先彎腰，但其實我連自己種緊乜都唔知～
我修為不足，定力不夠，ｔｏｏ　ｂａｄ～