其實開學到依家都成幾個禮拜,都仲係未曾收心養性,
人在台灣,心在美國,
成日都會諗起暑假既無需用腦既日子,
一番到黎又颱風又搬宿舍,
個人down左一半,
加上漫長等待,令到down機現象直線上升,
講起中秋,又更是感慨,
邊個唔想人月兩團圓丫~~唉~~
不過, 好彩有一眾好友係度,
迎新宿營雖然好累,但睇得出學弟妹既用心,
自己真係老人家喇,唔岩玩刺激野,
不過,四年都能夠參與宿營,四年都有一張大合照,
個心當堂暖番晒!!正!!
至於選課又係一件煩事,冇分又要煩,有分又要煩,
冇分個陣驚簽唔到,有分個陣又怕太重想空閒,
真係好嬲自己咁鬼猶豫不決~~
研究所又係,本來諗住執定包袱走人,
但係見到人地咁認真溫習,又確實知邊自己個系出去唔知做乜咁,
又俾人影響左,想去跟住考,
but諗深一層,係咪真係咁想讀??
阿牛都問中左呢個核心問題,
既然唔想讀,又何必硬要留係度呢?
不過我知道,只要考得入應該都會讀架喇~
只係到時一眾好友都離我而去個陣,
自己一個又會好寂寞,唉~~
人生真係唔容易~~
我可以揀既,唔可以揀既,可以選擇既,唔可以選擇既,
實在太多太多,
其實我只想簡單一d,
好似午後一段太陽雨,仍然可以享受一份熱騰騰既蛋餅,
感覺已經好滿足~~