話咁快呢個北京之旅就完滿結束左..都真係有d 唔捨得
梗係啦..日日食好野...唔好食同唔貴既都唔食...
烤鴨.[[即係香港所講既北京填鴨..但北京既真係好食得多...]] ..
烤羊...[[全羊宴..個做法又同上次同澤食既唔同..不過我比較喜歡上次食個種做法多d ]]
韓燒[[壯陽院個d 邊根本就無得比..好食之餘仲要好服務]]..
日本菜..[[比較上通一d ..不過佢就好在飲品任飲...連清酒都係]]
火鍋[[同平時食既唔同架..一種係四川..另一種係北京..]]
北京菜.[[炸醬面有d 失望..因為同我想像中既唔同..不過有樣好好食既野..灌腸~!仲有個個湯底好好飲..唔之係咩湯黎既呢...]]
小吃.[[我地叫到成枱都係...個感覺好正~!係個專係食小吃既地方到食..]]


最緊要既係..原來真正既冰糖葫蘆係好好食架!!!尤其係提子味
仲有就係..佢地好似每一餐都會食好多前菜..成日都有個碟草出現...食到我覺得自己好似隻牛或者羊...

日日都去玩...玩既內容都係遊覽為主....

長城..做好漢...不過由於比較大霧..都唔係好清楚..
十三陵....似行公園....
後海..划船...點之張飛飛左落水..咁就無左300蚊..........
摘櫻桃...原來車厘子都幾好味架喎
故宮..天安門..好大好宏偉....之到左d 典故..不過個的士司機好衰.
頤和園...超級勁大!!都行唔得晒...行左4分1 咋....不過好鬼靚
錢櫃...個裝修真係超勁..成間酒店咁..係貴個種酒店..就好似澳門個d 酒店咁.不過唔習慣房門有咁大隻窗...
香山...欖車維修上唔到去...不過都唔緊要丫..個日都已經好熱了..
MIX..d 女女都幾得架...不過一聽把聲就......
去左釣魚..唔之係邊到黎既...但我都係釣唔到....../...呀邦同呀輝仲有胡蒙都釣到
去左鳥巢同水立方中間放風箏...超正!!
歡樂谷..玩左超勁加強版既滑浪飛船...d 水係會濺到有2 層樓咁高....最後成班係到玩水...勁低能..哈哈


咁多日行程..都係有專車接送...架車仲要係勁野..VW..再加一個無敵車牌...
所有食既玩既住既....一毫子都唔駛出...出錢就會搞到人地捱罵...
誇張到每人一箱小食拎返香港...痴飲痴食..又食又拎...
主人家仲要幫我買埋金華火腿比我...無收到我錢....
真係賣屎忽都唔掂....