補post昨天post唔到上黎的:

下午收到電話，請我教數！真係估佢唔到！

一直當我如此全能的，大概也只有體藝。教中一至中三數學，三日。

明月老師後來打給我，說：拿！你鍾意教又得，齋俾練習佢地做又得——聽落好筍，但如果連續幾日都齋俾練習學生做，結果受害的其實都係我(D學生實作反！)。當然我prefer教少少野，跟住佢就話我知有mud未教。嘩！甚麼sine cosine tangent，好遙遠似的！幸好初中的數學根底不太差(否則我個數學老師唔會叫我代數掛！)，不過沒書在手，唯有明天早上回到學校才備課。希望唔好俾學生問到我唔識計的數吧！！

然後晚上收到中文panel的電話想我回去代課，so sorry，如果早幾個鐘，我都會應承的。

明天竟然變身成數學老師，究竟還會有多少意想不到的事情要發生？

我好奇，也擔心。

----- ---- ----
今天:

進2D之前，在走廊，2B班有個之前俾我教過中文的學生見到我，他問: 搣匙，你教math屎？我點頭，然後他很疑惑的再問一次：math屎？
「係」我答。

今天有兩次，學生問的數我差D唔識計，我一邊想，學生就一邊o係度話：搣匙，你唔識計呀？！在這種情況下，我係一定唔可以唔識計的！於是，我很努力很努力很努力，用盡所有功力，哈！又俾我計到wor！我都覺得自己好勁！不過實在一額汗！

有無人會有興趣計下呢？呢條係其中一條我用了好些時間去solve的：

tan(90-θ)=1/√3 (拿，呢個係1 over開方3)
then [cos(90-θ) / cos θ] - tanθsin2(90-θ) = ? (注意,那個是sine square!二次方呢度打唔到!)

我都不知幾耐無計呢D數。今次教數反而讓我覺得：原來我D數唔差架bor！突然覺得，自己都幾有數學頭腦！哈哈！