我從中都唔多相信心理測驗的。

　　但係我記得好耐之前，有一次喺教會楊傳道同我做過嘅一次心理測驗裡面，結果得出嘅人格指出我係一個保護／守護者。當時我一笑置之。

　　黎到今日，自從同你一齊之後，我越黎越覺得自己係了。

　　我依家諗番轉頭，好多時我都好保護你，咁樣唔係即係對你作出封鎖式保護，唔俾自由你，而係關心果一種保護，我發覺呢種行為係不知不覺中表露出黎架，喺心入面無時無刻都想關心下你，想你開開心心，快快樂樂，你可能會問我係咪痴架，我只係覺得呢ｄ係應該做既事姐，累嗎？我可以咁答（可能老套少少）：見你開心就乜疲累都冇晒ｌｕ。

　　無論你開唔開心，我都想知，想你同我分享，好似好霸道咁，哈哈，俾唔俾我知都係你既自由，我只係想而已，你有你既選擇，唯一唔到你選擇就係我會一直喺度等你話我知。你開心，我會同你一齊開心；你唔開心，我會喺度同盡方法去呵番你。好似講到好偉大咁，但係我覺得我應該咁做，你信唔信係真？

　　發生咩事都唔緊要，去到最後，你始終會發現一位保護者喺最後一道防線出現，為你作出保守同看顧，由始至終，呢一位保護者，都係等緊你既分享，而且係屬於你一個人擁有，你應該擁有的。

　　至於我，你愛我的話，我就知道會有人係保護緊我架啦，我好明白。