想不到身在異地都能感受到生日的喜悅。

10月24日的大清早，一開電話就立即收到媽媽寄來的短息，啊!今天是我的生日喎~~不過我想都是這樣普普通通地度過今日吧! 結果亦是死死下咁返學去...

時間一直這樣流逝到晚上九點半，今天剛巧亦是我另一位小學舊同學的生日，她在暨大讀書，那怎樣都要打個電話俾人「互相祝賀」一下的，可能就在我們傾談當中，我兩位室友突然有所覺悟，終於知道今天有個壽星仔係度呀~~結果佢地都係講聲生日快樂咁je~~

跟住我就要繼續我的畫圖功課，畫畫下先發覺我冇開MSN，哇!梗係要即刻online接受各位的祝賀啦! 幸好我都叫做朋友滿天下~~先後都有智、嘉敏、昊、徽爺、豐、曦和詩雅同我講聲生日快樂~~(數落又好似得幾位..= =)，可惜個時我正忙著畫圖，冇乜時間和大家一齊暢談呀...>< 結果傾左幾句就繼續趕工。

做到大約11:35p.m.左右，房外突然傳出一群人的聲音，狂敲我地度門，我的一個室友就前去開門，而且仲突然熄埋燈! 超繁忙的我都要逼住擰轉個頭望下乜事，點知回頭一看，發著光芒的蛋糕在女仔手上走近過來，Oh~~真是感動萬分啊~~想不到竟然會有蛋糕食，起初我都諗住最多咪有d薯片汽水咁(其實我之前都幻想過有人幫我慶祝生日ga~~hehe)，就係咁樣在各人的歡笑聲中度過了一個小時左右，然後就是...開夜車的開始...>_<


p.s. 之前那幅線條圖(看圖請到「上課2」睇)經已被我「複製」過來了~~大家不防到我的相簿看看吧~~生日相都在這裡。