昨晚已經開始下雪了，實在難得一見。今早起床望出窗外，地下屋上、樹枝樹葉都已經鋪滿了一層厚厚的積雪，一個字---正!!! 繼北京旅行之後，又一望到雪ge時刻終於來臨了!而且仲可以感受一下下雪ge氣氛~~

吃過中午飯就準備周圍影下相，點知我地同行4個男仔影左幾張相就忍唔住要大戰起來，周圍搜挖樹葉上的積雪，進行雪球大戰。邊打邊走到另一個積雪更多的地方砌雪人，如圖所見，我個雪人係冇眼同口...唉!可憐我原先好俾心機用d草整左對眼同一個V字口，點鬼知砌好準備抱起佢時個頭向後跌鬼左落地...damn! 我心愛的雪人頭就咁毀於一旦，結果只能臨時臨急整番舊球體物當住頭... 知道咁樣我就一早係地下同佢合照番一張先la!

砌過雪人後，就同班女會合再周圍影相，點知走左一陣見到有個地方異常多積雪，又冇乜人踩過，又忍唔住挖堆黎玩下，咁又成為雪球大戰的導火線...呢場係玩得至激至長時間ge一戰，亦玩到對鞋、手襪和件褸都濕晒...><

之後玩到三點幾已經開始熔雪了，發覺樹上的積雪首先熔化，在兩旁的樹蔭下走回家途中，彷彿又看到第二次落雪，只不過今次還附上一些小型的硬冰塊一齊落下...= =



相簿事隔一個月有多又再次更新了~~