老實講，從小到大都唔係咁鐘意「兒歌」。
我指的「兒歌」，並唔係兒童民謠，而係由電視台同埋流行樂壇創作的那種。呢～即係年年無線「兒歌頒獎典禮」都會拿哂獎的那種囉。
從梅姐的＜IQ博士＞，周慧敏、王馨平、湯寶如的＜美少女戰士＞，何韻詩的＜櫻桃小丸子＞，到謝霆鋒的＜超人帝拿＞其商業化程唔使講，歌曲亦都冇乜意思，仲要年年睇住班幾十歲出頭的歌手扮細路裝可愛，真係幾惡抵。不過講到底，佢地都係「歌手」（儘管唱歌都不太好聽），為兩餐o即，都無謂對人地過分苛刻o勒。
但係唔知幾時開始，有些社會人士就開始撈過界了，游水的（方ｘ申）又黎做明星，又唱埋兒歌──咁都算，呢個年頭靚仔大哂嘛，學葉太話齋：「我冇乜補充丫」。但出界出得最離譜的莫過於「你家人」大夫，明明懸壺濟世（或者係蒙古大夫我唔知喇！），救死扶傷，咁偉大的天職唔做，走黎施展其音波功，搞到生靈塗炭，又可必呢。
呢期仲抵死添，楊利偉上太空打左個白鴿轉，成功返黎受到英雄式的歡迎，而一向走在時代尖端的香港人──當然要以「你家人」大夫為代表，就即刻整左套太空裝黎著下，仲有歌仔唱添。欸，好心啦，咪教壞細路，邊有咁肥，可以「中途轉業」既太空大o架？「你家人」大夫……真係…節省少少罷啦，而家收手仲黎得切。