今日老闆要上大陸做一些私人事
辦完之後會由大陸返香港
所以多了一張去香港的船飛
因此就問我有無興趣去香港
不過回程就要自己俾錢買飛
既然有免費單程船飛
我當然會去啦
反正很久沒有去香港行街街了
而且又有東西想買

今朝一早老闆便打電話過來問我少少問題
然後再confirm 我去唔去香港
定左我去的時間再通知他去取船票
再過多半個多小時
老闆便打電話來急call 我返公司幫手
因為要今日內把2樓VIP賭廳的所以傢俬影相
並要在圖上mark 底相片號碼
由於太多傢俬要影
影完又要在圖上mark no.
所以就急call 我來幫手
結果成朝在十多個賭廳走來走去
不過唔去由至可
去過才知賭廳內有很多靚女公關及荷官

影完相已經1點多
在canteen 食個快lunch 後便返回office
分好相, 對圖mark 位及改no.
如是者攪了2小時
最後由於network 問題send 不到e-mail 出去
所以把所有相print 出來
再帶上船慢慢執
由為攪得太晏, 老闆亦決定大陸的私人事遲些時間再處理

結由4點鐘跟他由公司出發到碼頭
4點3已坐上在船上
開船後吃了一點東西(坐豪華位, 有免費小食食)
小休了十分鐘左右
便開著電腦再一次對相及在hardcopy 上mark no.
如是者攪到埋岸前剛好完成

落船過關後
把完成的文件交給在碼頭等著我們的大老闆
之後老闆便同我一齊行街街

先行了尖沙咀海港城
再到旺角行
行了兩個小時終於買了想買的東西
之後跟老闆到灣仔食飯
同時約了2位跟MGM project 有關的朋友食飯
吃了一餐火辣的四川菜
邊吃邊吹水, 氣氛十分熱鬧
食了兩個多小時
之後便獨個兒坐船回家

今次香港極速購物之旅
有很多地方都未去到, 真可惜
如果可以留多一天就更好了!