呵呵..
今日我真係參加咗義工聯嘅賑灾活動..
係我嘅第一次做義工咋..雖然有少少攰..
不過..都係好開心嘅..都好值得..
我見到不同嘅人對賑灾活動嘅支持..
我見到D 人都幾大對比..
係我印象最深刻嘅係:
NO.1 一個踩住單車嘅aunt向我哋揮手..我哋去到佢果度之後..佢係個褲袋入邊攞D錢出嚟..我見到佢只有1張50蚊同埋D散錢..但係..佢真係好大方咁抽咗張50蚊出嚟..放入個捐款箱..
NO.2 同樣..都有個大約20幾歲嘅男仔..我哋叫佢捐款..佢好快就係個褲袋入邊攞D錢出嚟..但係..我見到佢除咗1張100蚊之外..其餘嘅都唔超過10蚊..但係佢依然都係將佢僅餘嘅100蚊都捐咗出嚟..
NO.3 有個20幾歲嘅男仔..佢用700蚊買咗個繽果超大公仔送咗俾佢女朋友..當個公仔賣出去嘅時候..我見到義工果班人都超開心..不斷咁影相..
捐100嘅人都唔少..佢哋都好大方..
但係..有D有錢人..佢哋就十分之古寒..
NO.3 佢啱啱係益華門口出嚟..(非富則貴啦..)我哋攞個捐款箱過去..佢係個褲袋入邊攞咗一叠100蚊出嚟..跟住我就以爲佢會捐100或者以上啦..點知..佢極度令人失望..佢不停咁翻佢D 100蚊..原來..佢就係翻去最入邊果張--10蚊出嚟..真係令人失望..我有D鄙視佢..
人,真係有好多種..
好多義工都係真心去幫助籌款咖..
佢哋唔會問時間..有D甚至過咗時間佢都决定做埋下一場..
我見到佢哋真係好落力咁筹款..
只要D貨物係佢哋手上..好快..D貨物就變成善款..
Thank you所有為灾區出過一分力嘅人..