陳志雲 在失意時，有王喜 這個擔遮擋雨的好友支持，昨日做善事也拍住上，但他不便接受訪問，交由王喜代答，足見兩人友情深厚。 　　文、圖：余潤娟 　　陳志雲（陳總）昨與王喜出席「生命熱線 」募捐行動，他們更帶頭捐錢。問陳總是否慈善活動才請到阿喜幫手？他不肯回答，阿喜代他答說：「每個香港人都有責任做義務工作，無線都製作唔少慈善節目，作為無線一分子，唔使人叫，唔需要人批准。」至於失意時有否想過自殺？阿喜表示沒有，而認識的朋友亦不會，遇難關他會向朋友傾訴。此時身邊的陳總也忍不住說：「同親友傾訴及分享好重要，發生咩事總有人喺身邊。（與阿喜患難見真情？）今日係推廣生命熱線，最緊要積極面對人生，第日有機會再同大家傾偈。（現時心情如何？）OK。」阿喜亦表示：「以我觀察，佢嘅心情一直保持高能量、正能量，無低潮。」 　　陳總無意搬屋 　　另外，阿喜覺得遇到難於啟齒的問題，可透過填色方法紓緩情緒，他試過並覺得相當奏效。問他是否陳總教的？「唔係，佢EQ咁高，就算有情緒波動都好快搞掂，仲有能力幫人。」他更承認與陳志雲會互相傾訴。談到陳總近日睇樓，是否有意搬屋？阿喜說：「據我所知，佢無任何遷居想法及舉動，現時樓市太顛，300呎嘅唐樓都要1萬元1呎，只係行過望一望，大家唔使太敏感。」阿喜說下月2日定會抽時間陪陳總出庭。 　　■陳總與王喜昨一同出席慈善活動，阿喜更為陳總代答問題。 　　■早前陳總出庭，王喜擔遮擋雨，做足本分。（資料圖片） 　　■陳總早前睇樓，只因樓價太顛，並無搬屋意圖。