去同小朋友玩左兩日, 發覺佢地真係好可愛, 好天真!! 不過亦都完全感受到佢地係幾咁難搞同埋難教, 所以我都係唔鍾意生仔...

尋日去左嘉道理農場, 同我印象中o既好唔同, 唔知呢... 可能以前無乜心去睇過野啦!! 不過, 班o靚仔就真係精力無限, 佢地通山走, 當時落住狗屎而又無帶遮o既我, 結果係由頭濕到落腳~ 慘!! 好彩中午落雨落唔停, 林村農莊全部都唔駛去, 有得番小學抖抖, 唔係真係命都短幾年...

今日o係學校做野, 朝早有教會一班熟人入黎教聖經班, 好搞笑!! 亞橙扮爸爸, 都幾似, 仲要繼續帶住條頭巾hold組, 我忍唔住係咁偷笑...
同班小朋友開始混熟, 俾人打俾人笑俾人恰o既情況開始出現, 有d擔心!! 不過都好, 同佢地熟d, 唔會悶~~

”hi!! 我係沙律姐姐...”