一早就坐車由青森去秋田，先去鹿角畜牧農業協同組合，呢度係官理鹿角牛的地方，呢種牛肉可能好多人都唔識，因為佢的肉唔係雪花樣的，比較少油，而家日本人都注重健康，鹿角牛脂肪比較少，食多都不怕肥，但係由於雪花牛肉的推廣同廣告太勁先無人為意鹿角牛，而鹿角牛的數量亦都愈來愈少，遲啲可能會受保護咁話，至於佢的真身，到拍時就可以一次過見到五十隻七歲的繁殖牛落下嘞！

之後我地去咗玉川溫泉，喺呢度周圍都見到人瞓街，因為當地人相信呢度的泉源琉黄的氣味可以治癌病，最重要係免費入場，見到一個個泉眼，同噴氣孔，覺得好犀利！

田沢湖湖畔：呢度有一間會自家製造「地啤」的啤酒屋，地啤即係當地啤酒，日本每一個縣都有地啤，呢度其中一種啤酒，就有用到秋田好出名的米嚟製作，味道係無米味的！但好似少左澀味。另外仲有一種可以整熱飲的熱啤，未聽過！同埋仲有一種喺上海得到No.1大獎的「天涯」啤，下次先買！

美鄉町：呢度有好出名旳靚水，水乾淨到可以喺井口飲，雖然日本水喉水可以飲用，但喺日本可以隨街飲的天然水已很少，不過呢度仲有，當地人會帶自己屋企的菜嚟洗架！

今晚住得比較簡單了，住連鎖的酒店，一人一間房，雖然房間不大，但感覺有自己時間，實在太好了！