咁快就第三日，今日都係要去玩去癲，去長隆歡樂世界。

都係喺酒店樓下巴士站，坐車去到長隆附近，再行去，都有幾百米！不過今日好的係，天氣晴朗，有藍天呀！

而且成個三月，長隆旗下所有樂園門票，女仕都有七折$119，我好抵呀！男仕就要正價$170！呵呵！

佢地個特技Show，好明顯係抄環球片場嗰個，不過人地的道具做得靚好多！呢度好明顯流流地！

但係我地都無玩到要倒轉的機動遊戲，因為晚上我地要去食自助餐，怕反了胃食唔落咁好唔抵！

到五點幾行返去長隆地鐵站之際，就好好彩俾我見到，我地正要去食的自助餐「四海一家」有接駁巴士，實在好方便！等咗一陣就有車，車程去「四海一家」大約十分鐘。

一落車就見到一個好大的outlet，不過貨品未至於平得好緊要，不過Jason話有啲Nike籃球鞋香港一早無，呢度都有，睇咗一陣我地就走！去食自助餐啦！

呢間樓高兩層的超大自助餐廳，裝修豪裝，而且食物種類，多到你會頭痛呀！之前網上睇話有八百種食物，親眼睇到真係信！客人的座位有過千個，大得好緊要，中港日泰韓、澳門、巴西．．．咩都有，眼都花！

飲品住論新鮮果汁，雜果賓治，紅酒白酒清酒，全部任飲，五花百門的甜品，雪糕都有硬同軟之外，仲有Haagen daz ，不過呢個要憑券去攞！總之一定喺你未試晒咁多野之前，你已經會飽咗！非常非常滿足的一餐！每一位只係$148！！

除咗番禺，我知道深圳都有一間「四海一家」，下次試嗰一間！

食完之後，由於有咗兩日坐公車的經驗，所以我都話去坐公車返酒店，行下行下，終於見到公車站，又係幾蚊就返到去啦！