日一放工，就開始我一連四精彩日的假期，yoyoyoyo~

由於我都用左幾日時間print晒地圖，加上我之個認路之鬼，今次的行程，交通上都應該無咩問題！

只係天氣無得控制，不過今日雖然天陰陰，但係無雨，已經好好啦!

坐火車北上深圳，再轉廣深鐵路的和諧號上廣州。今次都係我第一次再呢種新形號的火車（上次去廣州剛剛換車中），價錢只係$75，一個小時左右就到左廣州，而且今次比我的感覺相當良好，因為絕大部份人都會對號入座，好守規矩！

話咁快就上到去，再轉地鐵去到位於第十甫路的酒店，放低沉重的腳架同相機，因為今次之旅，最主要都係嚟影相，Jason可以試下佢的新相機。

而今日我地全程都會喺上下九一帶活動，再去狀元坊大購物！啲野好平呀！好驚買到之後唔夠錢用（皆因行程豐富）！要就住就住．．．下次一定帶足彈藥！

買完野就坐的士去食我最愛的「東北人」，叫咗一條火龍魚，一碟五彩餃子，醬⻣架，仲有美麗豆沙，食飽飽，我就提意坐公車返去，車站係遠左少少，不過食飽咗行下又無咩所謂，坐38路，兩個人四蚊就可以返到去，好抵哦！下次如果再去東北人食野，我都會坐公車去，只係沿人民北路去，喺流花公園站落車即達！