是日決定去郊遊，下午先齊齊喺屋企食飯，再齊齊行去西鐵站，我地以最低的方式去玩一日．

記得上次同Kinki去元朗，佢講過買西鐵全日通，可以連輕鐵都任搭，所以今次我地四個人都買左全日通．尋晚睇定的輕鐵路線，嗰啲第幾區第幾區，如果唔係，真係會睇到眼花．．．

去到濕地公園其實都三點鐘了，不過今日比尋日熱，而且太陽仲好猛！

其實呢度真係幾大，又室內又室外，不過最吸引，就係喺室內的兒童遊樂場，造型特別，而且又高又長的滑梯，無幾多地方可以見到．　

終於都見到貝貝啦！但係佢住的地方，只係得一小間玻璃屋，會唔會細左啲？

我地都算行得快，但係好似都仲有一啲睇唔晒，因為佢五點鐘就關門了．

去完濕地公園，再坐輕鐵出返去元朗買老婆餅，新鮮熱辣的老婆餅，忍唔住企左喺街即食！超好食！難得入去，再去埋B仔食糖水，食完飽左．．．但晚飯仲未食．

最後晚餐係出返荃灣，Join返家姐老公再一齊去又一城dinner！

P.S.>>>>

而家地鐵推廣的濕地公園優惠,其實唔係最平架!!!!!唔好中招!