咸田咸田...我地返黎啦...

夏天黎啦~上星期又重返我地既私人沙灘咸田啦~

一如以往,我地係西貢碼頭坐榮哥既快艇入去...
(係榮哥,唔係安哥,哥哥..哈~)

超勁既榮哥..坐住佢既快艇真係超爽...

不過由於冇乜浪既關係...今次都唔係太激...

話咁快就飛到去咸田啦~

前一晚..勁閃電(閃電,閃電傳真機,yeah~)

都幾驚去唔成...

好彩第二朝都冇落雨,係天陰陰0者...

去到...小部份時間有陽光...

仲唔拿拿聲落水咩...

係度游左一陣...玩下浮床,話咁快又到午餐時間啦...

叫左腸蛋面加碼蟻兩隻..>0<..

魷魚so,雞亦,白菜仔,同牛肉炒面,仲有紅豆冰...

好飽呀...食到個肚腩仔都走晒出黎呀...

食食下時...就開始落雨lu..

後尾仲越落越大,直頭係倒水咁倒呀...

d雨都冇停過..我就坐係士多度等...睇報紙...等....

個身又濕..覺得勁涷...

之後雨細d有人出左去玩...

我地都出左去玩數字波...

一有得玩就唔涷lu...

勁勁耐冇玩個數字波...

好好玩呀...掟左兩個人patpat...hahaha

不過又係玩左一陣...有閃電佢地話會擘中喎..

跟住又返上去等左一陣,沖埋涼就走lu...

e...都冇乜晒過太陽既....唯有等下星期去camp時再晒過...

但我淨係想晒下個肚咋喎...有冇得咁0架呢...

回程時都係坐榮哥快艇,我地又係度勁嗌...

俾阿鬼佬patrick話我地係crazy girl...

e...毛毛芝芝都係你地啦...人地平時明明好文靜0架0麻..呵呵...

跟住坐返布布車出去第一城打打邊,順便慶祝佢個過期生日..

好飽好飽咁返屋企lu~

我地幾再去呀...係咪遊船船呀...不過連食飯都約唔齊...

oh no...

新組合,crazy girl出場..哈哈~