我少佢家姐

呢份工如果再做落去

我真係會癡線

點解？

辛苦？唔係！

悶？唔係！

無滿足感？都唔係！

問題唔係份工度，而係係D人度

D人對我唔衰，好肯教你野TIM（因為你將來要幫佢哽豬頭骨嘛）

問題係係佢地個世界

係佢地個世界裡生活係無時間觀念既

九點鐘返工，地點唔係公司

而係茶餐廳，食住個早餐，食住支煙，睇報紙，慢慢係度嘆

嘆到十一二點先至開工，跟住就死趕爛趕

趕到七八點先做哂D野，做哂野係咪收得工？

未住！去飲杯野食支煙先先！跟住去吹水！打牌！你就係度等佢老母臭西放人

咁樣一日就過左，佢地每日既生活就係咁

佢地有好多年紀都同我差唔多，但個樣就老我好撚多

點解？因為心態根本就唔同，佢地每日就只係hei時間

佢地覺得佢地既命運就係咁，根本無野再需要爭取

佢地無女朋友，無老婆，放假就上大陸叫雞

每個星期1至6都好似行屍走肉咁生存

期待星期日上大陸叫雞，跟住星期一返黎又行屍走肉過

直到世界末日，或者係佢末日

我好怕再做落去會好似佢地咁，比佢地同化

我唔想好似佢地咁樣，我既人生唔可以係咁

我完全唔接受！