依日下午就帶班童軍去安定村做Service呀！又係要我咁勞氣，不過都叫幾聽我話！唔講佢地，果個係嘉年華，又係做D維持秩序咁呀！悶呀~~~

之後就May May 陪我過市中心買野！之後返屋企食左小小野，9:00pm就去練波，果日可能係星期六計埋子淳同係得果5個人練！第一樣野就練每人接5球波，要高個網，我就第三個做，我要接8球，因為我係L 我要俾佢地接得好D！同我做完，我果時都係累，但之後抖一陣就死，越抖越辛苦，回唔到氣，坐又唔係企又唔係，有勁出汗，但果身又凍，唉…之後我都冇練到跟住接波，我就去左廁所，都係咁辛苦，我真係好冇用，D體能勁差，仲話自己係L，接幾球波就咁，佢地又要做埋攔網，剎波都係咁，我就死咁濟，仲要係冇練到一陣，果日已經小人我仲冇接住佢地練，整到佢地小左休息，我覺得我真係好冇用，過左一陣我出返黎練波，之後冇事，練接一傳，唉，到位率都係唔好！就黎聯賽，都仲係打成咁><我要打好去！其間都練左幾多野，最後2打2我同女巫，阿東同阿Ken我地每隊都win2局(7分一局) ，輸左果2局要做體能！我覺得自己打波都係冇咩點進步，仲係好差，成日去救波，又救唔到！唉…練完就返屋企lu~