呢個格仔裇衫GEI男人.
就係我爸爸啦 唔好以為佢一個人好孤獨咁行街WOW..
我喺佢後面偷影佢咋..

昨天父親節 請爸爸飲茶 .
爸爸突然話想去APM行吓..佢話佢未去過WOW
其實APM 無乜嘢啱佢睇 不過 細過嗰陣.
爸爸最鐘意帶我哋去行新商場..
有時 D新商場新到全部係吉鋪添..笑死我同呀妹..
爸爸年紀愈大 就愈似小朋友 坐唔定 要周街走..

我結咗婚年幾啦 成日喺屋企都掛住爸爸 仲會哭起上來架..
都唔知點解!而家返屋企 見到爸爸 就會好開心
自己就好似細路咁 向爸爸撒嬌..講都無人信我10月就嚟做人媽咪啦..

至於另一個爸爸.當然係我老公啦..
昨日佢陪我返教堂 神父在完彌撒之前 請所有父親起立.
起初 老公唔肯起架 因為佢話BB未出世 但係有位教友誠意邀請佢..
於是最後都起立了 仲同其他爸爸一起 站到教堂台前
受各位祝福..嗰一刻 好想影低佢呀..

老公攞著第一份父親節禮物(我之前有份幫手整嗰D毛巾爸爸)
坐回我身邊 微微笑...BB雖然未出世 但我真係好心急想快D都10月.
想聽吓佢叫我哋 爸爸 媽咪呢.^.^

P.S 恭喜張繼聰 謝安琪添丁之喜..^.^<--BB重8磅8 母子平安 可喜可賀呀!

行APM嗰時見到的..
覺得好得意 影低落嚟.

QOO仔飲嘢嗰樣好得意呀.^.^