5月13日星期日 母親節 例牌出街一定好多人..
不過就唔到時間提前食飯..

正日都好.. 夠氣氛..
往年 我都會花好多心思哄媽咪開心..精心挑選禮物.
但係今年因為有咗bb 好多嘢諗 所以諗來諗去都諗唔到送乜..

諗住食pizza hut 去到都預咗會好多人..所以同媽咪講好有位先叫佢落嚟.
在等位時候 仲未諗到買咩禮物 不過心諗點都送支花啦..^.^
同老公講想行出去買花 佢因為擔心街好多人 會撞到我 .
唔俾我自己去 我就一意孤行 所以有小小爭執.
不過最後我應承咗佢 會慢慢行 好小心咁 佢先勉強俾我去..

其實講真 我知道最近的花鋪到要行幾個字先到..
不過我點都想送d嘢俾媽咪..唔知係咪天主都知道我好心急..
我行出去 竟然無幾遠有一間花鋪 .. 平時都唔覺嗰度有..
花鋪老板仲好好人 好老實 本來諗住買一支
但係賣一紮花的價錢仲好抵 無加價. 所以我嗰一刻覺得自己真係好幸運呀.!

終於到等到位 到食嗰一刻啦.
平實的媽咪 沒有刻意打扮 但係我就好欣賞媽咪呢種美德..
平凡卻很美 佢同爸爸一樣 都穿起格仔裇衫..
唔知係夾埋定咁啱呢.^.^

媽咪好鍾意食嘢 所以 同佢食嘢 佢就最開心.
媽咪見到紮花 例牌一定係話 唔駛啦. 食飯咪得囉..
其實個心就好甜 我話: 一年先得一次咋媽咪..笑吓啦.

媽咪 i love you^3^
出年呢個時候 我個bb應該6, 7個月 可以同我過母親節啦.^.^