豬標的我 同呀妹...竟然唔記得咗媽咪六月二十日生日..
過咗四日度 我先突然醒起 點解六月好似未同媽咪慶祝生日呢..?

呀妹開頭仲話我記錯 後來先發現係慳料.
大家太忙了..佢要考試 我有bb (全部都係籍口 無心肝)

hey 好在有舊曆補飛..^.^ 中國人真係好..一年咁多生日.
前日 放工拿拿臨約埋呀妹買蛋糕返娘家..
呀妹一返屋企醒目地將個蛋糕放入雪櫃 又守住雪櫃..驚俾媽咪發現..
另外我仲買咗半打蛋撻返來 做煙幕 扮晒又唔記得媽咪生日咁..

直到食完飯 都唔知搵乜位攞過蛋糕出來..(雪櫃在廳)
幾經辛苦 呀妹終於搵到機會攞咗蛋糕入廚房
當時仲係做緊"學警雄心" 媽咪好投入睇緊電視...

我叫老公等呀妹點好爉躅 就熄廳燈.好crazy呀..
點知呀妹一出來 d爉躅又熄咗 攪到老公無所適從...
整咗好幾次之後 終於成功啦...

呀妹一攞蛋糕出來 我哋就唱生日歌..爸爸都一齊唱...
睇緊"學警"gei媽咪 好意外咁問 做咩呀..?點解咁gei?

總知場面超溫馨啦....媽咪笑得好開心...我哋都算做返d嘢..^.^
生日快樂 媽咪.^.^ love you

(媽咪切餅嗰陣 學警都未做完 有相為證^.^)

三母女..加埋外孫女在肚..hehe////

爸爸同媽咪..好sweet呀..^.^

爸爸嗰個肚同我個肚有得揮呀...........!!!!!

女婿 快d過嚟同外母影返張相先啦..
唔駛怕羞wow..
呀妹 幫手影吖唔該.