跟著去佢地所謂的海味街搵煲湯料，又係佰母囉！海螺頭/海螺片？罐頭飱唔飱啊？老板問。日月魚干？ 大地魚？唔通要我每次番香港入貨？不如改行做水貨客啦，賺番個錢！

外星貓免強買好材料，煲好滑飲完重要比人話喎，因為台北採用環保政策，垃圾要分類，因為垃圾袋係要比錢買的。唔單只分玻璃、膠樽同鐵罐，貓地住的大廈重分得仔細，紙皮、膠樽、鐵罐、發泡膠纇、膠袋纇、膠杯，外星貓覺得最麻煩係要留起食剩的東東，放去大廈出面的兩個大膠筒裡面。真係一千個麻煩，而且外星貓覺得係厭惡性行業，因為一揭開個筒，會毒氣攻心囉！唉，環保所以冇辦法啦。

除左家庭，其他餐廳都係禁，你食完野，要自己將食剩鮋野掉落一個地方，再將紙碟等等分好類掉喎！蓮老麥都有分架！
香港人啊！如果準備去台灣玩，隨左環保購物袋，記得自備垃圾袋喎，因為有一次外星貓的朋友因為暈車浪嘔左一堆野，結果搵左好耐街邊一個垃圾筒都冇，楂著袋野係車到十幾分鐘。終於搵個地鐵站垃圾筒先解決問題！