你一定唔會信，外星貓住左禁耐，未有正式煮過一餐飯，唉！有有，有煮過意粉，煲過幾次湯，點解？因為我懶囉！超市？有，要走10分鐘才到，乜都冇得買，去街市？唔該準時出發，唔飱時間就收曬檔，貓試過幾次走了20分鐘走到出汁，去到時發現成條街好似香港深夜三四點禁，食閉門羹！貓啊貓，你以為好似香港禁，街市差唔多開24小時，super market 多過銀行？

就算比貓去到 super market ，貓都唔知買乜煮好，熟悉的瓜啊，菜啊禁絕種，我鐘意食的節瓜，冇得煮江搖柱節瓜，又冇得食節瓜咸蛋湯，啊！請改一改， 呢度江搖柱叫干貝啊，朋友！

去街市搵青蘿蔔，合掌瓜煲湯，sorry ah，佢地係外星瓜啊！想煲栗子湯？sorry ah，你以為係香港一年到晚都買到？椰子煲雞？發夢時飲啦！冇到的菜請舉手，數一數，有節瓜、合掌瓜、青蘿蔔、小堂菜、白菜仔 etcetc
重有重有，搵唔到豬展，哈哈！因為一大推豬肉部份都唔同曬名，貓唸著上網check下啦，唉，冇資料！都唔知豬展係豬後腿肉定係豬腰肉。最後係樣樣都試下。搞到成日比人投訴煮D野唔好食，唉，你估我想咩？