睇新聞，見到田亮比人炒左，冇得再跳水

我就諗，其實田亮咁年輕，跳水又咁叻，做咩攪成咁

唔知田亮係咩出身，但能夠進入國家隊，應該係排除萬難，中共至會比咁多資源培育佢。佢無啦啦走去娛樂圈，其實係點解呢？佢冇可能唔陪錢駛？是為名？是為利？佢放棄跳水走去娛樂圈有沒有錯？不過諗到呢度，我就作唔到一個結論。

其實我地要攪清楚佢當初係咪想跳水，如果只係被迫，表面風光對佢根本係冇意義。一個人絕對有權選擇自己既路，絕對唔可以成為人另一個人達到目的既工具。要知道中共從來係當人係工具，可以係權鬥既工具，可以係生產既工具，又可以係為自己臉上貼金既工具。中共有大把窮人唔理，去培育運動員，就係想為自己臉上貼金。

如果今次田亮係經過反省後覺醒，要做番自己想做既野，就要恭喜佢得到自由。但如果佢只係見娛樂圈好搵ｄ，就代表佢只係變成另一ｄ人既機器。當然，一個人係唔知自己想點，係咪人地既工具根本冇分別。

如果佢一心係想跳水，但又一時抵唔住名利，就真係唔抵可憐。

連自己都背叛，實在係自甘墮落，遲早要為呢個決定付出代價。