８ｍａｙ０４－ｓａｔ


差唔多７點ｗ打黎問我使唔使考，
原來係紅色暴雨警告，咁我咪即刻爬起身，
拎本考生手冊出黎睇下囉，點知要（除非佢話唔使）
訓唔返著（因為我諗住８點先起身）
咁唯有起身啦，媽咪又開左個收音機，但係我都聽唔到唔使考，
開電腦走去天文台睇下，
７點幾，細佬突然之間同我講話黑色暴雨警告，
但係仲未話唔使考，
出面行雷閃電落大雨，個收音機仲要唔知做咩聽唔到，沙沙聲，
我要講既係，個收音機唔係細細果ｄ，係ｈｉ－ｆｉ
我同媽咪講〔如果我１陣考試都係咁我就死俾佢睇〕
真係好淆”呀
之後我走左去刷牙，刷刷下，媽咪同我講話唔使考，
首先我係唔信佢，然後就有ｄ失落，唔想延遲呀，麻鬼煩

有ｄ肚餓，走左落去買麵包同報紙，
返到樓下，竟然見到個著住校服既細路，
仲聽到個細路既老豆話，今日８點幾要返去拎成績表，
趕住出門口無睇電視，點知返到去先知，
我想笑囉～

８點，又轉返做紅雨，媽咪要返工，
但係佢就他他條條咁差唔多９點先出門口，

我就係屋企食下包，上下網，玩下〔富甲天下〕
好似幾好玩，但係又有ｄ無聊．．

尋日本來話送冷氣黎，但係佢整錯左張單去．．觀塘
無奈我等左佢半個下午，
今日話左下午送黎，但係佢竟然夜晚８點幾先送到囉．．
我等左佢整整１個下午都唔只呀，
攪到我街都無得出！想打扁佢個頭呀！

睇左〔絕世好賓〕
普通，不過我覺得劉青雲真係越黎越掂，
咩戲都得，但係就無得影帝，
仲有詹瑞文都好勁，１人分飾咁多角，
但係梁詠琪開頭就好白痴囉，

媽咪同老豆下個星期就去旅行啦，
又得返我同細佬，孤獨２人組．．
個名好白痴呀，點解我可以諗得出家．．