今天考SECTION B、SECTION C 和SECTION E。

SECTION B 選了作第3條：寫封信給好朋友勸她選做警察唔好做歌手,
唔....作得OK啦....
不太好又不算太差,
不過PROOFREAD到一半就夠鐘, 見到之後有錯都改唔切.....
但係已經有進步啦, 因為之前兩年兩次會考英文作文我都係無時間PROOFREAD~

SECTION C:
MATCHING 好好好難呀....用左我好多時間....明明知道我唔應該繼續做落去, 應該做其他, 但係已經做左咁耐, 只差少少我又唔捨得放棄....
於是...後面就好趕.....其實仲有3條matching唔肯定, 諗住番轉頭再做但係都無時間LU....
其他的...麻麻地啦...都係唔算好好又唔算好差...
不過真係做得好趕...
MC CLOZE最後做, 後面的幾條都無乜點諗就填答案....

下午SECTION E....考試局又轉FORMAT...
由以往的3個TASK變成2個,
以前有2個SHORT TASK拎分, 今次得番1個,,..
個LONG TASK仲要佔成58分....好恐怖....
時間又唔夠....做到我手都震埋...
考完之後睇o野仲朦朦地....
唔...我諗long task我應該漏左唔少point...
不過, 算啦....

今日考試考得我好苦...
因為好唔舒服...
腳又軟.....
頭也好似有o的暈暈地....
成個人都無乜力....
考完之後真係好似虛脫咁...
但感謝主~ 因為考的時候已經算好, 返到屋企仲辛苦...

還要感謝主讓我有平安~
今日比考文化那天真的平安了很多!
雖然明知時間好趕, 但係每次都係驚一驚就定番繼續做, 而唔係好似考文化咁驚左好多時間~
還有昨晚睡得不好, 今天狀態都還算可以也很感恩呢~
其實, 我都頗滿意自己今天的表現的了~

呀, 另外昨天樓上裝修的嘈吵聲少了很多, 所以我溫到書呢~ 感恩呀~ 因為今日我出左去考試佢又勁嘈~

希望明天的listening都可以順順利利啦~

嘻, 好攪笑, 早幾日竟然係daddy同我講叫我要倚靠神~
媽咪仲叫我帶個十字架去考試~ :p 好好笑~