轉眼間都出左黎做左半年野,朝九晚七,八既工作真令人頹廢. 每日刻板既生活好似倒模咁不斷重覆,返到公司之後等食飯放工,返到屋企食飯沖涼又訓覺,唉!!又過左一日,問自己今日有冇特別事情發生呢?好似冇喎,咁就冇左一日喇.距離死亡又近左一日喇. 每日都係對住由0至9呢十個號碼所姐成既數字,係惶恐同壓力之間生活.究竟有冇入錯行呢,我相信好多做account 或者 audit 既同胞都會咁樣問自己,而我自己的答案就係既然洗濕左個頭,都冇得選擇喇.
我唔係d乜q李擇楷或者係乜霍公子咁一出世就含住條鑽鎖匙,我地呢d係政府醫院出世,住係油尖旺呢d貧民區既人講,工係冇得選擇的,可以選擇的只係做定唔做.有時都會灰灰咁諗究竟人的人生係為左乜野呢. 好希望有人可以話比我聽.
p.s.林海峰隻新碟首細路歌好有共鳴.