非常之不幸，本來廿二、廿五、三十都有得番工，點知馬會一個電話打黎話人手太多，你唔駛番喇今日‥‥分開三次打黎‥一次都算啦，第二次‥‥都仲有一日‥‥三次‥‥唉‥‥每聽完一個電話，份糧就唔見左d‥‥點解會咁架‥‥你唔駛我番當初就咪鬼出咁多日俾我啦‥等我仲計好曬七月出左糧可以點樣用‥‥哎呀‥我d CD呀VCD呀DVD都飛走曬咁滯啦‥‥唔駛番工，每晚都有得睇波，但係就晚晚都搞到成五點先訓，果黑眼圈都‥‥由於都差唔多成三點先開波嘅關係，所以前幾日開始响睇波之前睇番套擠左響度成個幾月都未睇嘅ROCKY，因為之前果排要考試冇時間睇，之前又成日番工，一直到而家先有連續幾晚嘅空閒可以睇曬佢，五集，真係要花d時間架，雖然差唔多集集都係最尾果陣都係ROCKY贏、獲得全場嘅掌聲同認同，一個拳手嘅一生，由寂寂無名到一夜成名，再由高處趺落谷底‥雖然未必五集都咁好睇，但這不太重要，因為ROCKY本身就有一份獨特嘅魅力吸引住人。仲有另一樣發現，”written by SYLVESTER STALLONE”，真係唔睇都唔知，之前淨係知ROCKY係邊個做，都冇留意過係邊個寫嘅添，仲有就係，響第三集竟然有HULK HOGAN串演一幕，呢樣真係最意想不到。