早兩日係交大港澳生既送舊晚會.
原來時間真係可以過得咁快.
同各位學長姐第一次見面仲係歷歷在目,
唔經唔覺, 佢地已經要離開學校, (雖然都有好一部份會上所...)

晚會哥時睇番佢地以前既相,
由佢地大一烚下烚下既豆靚到今日戴上四方帽既準畢業生..
我不禁會將自己代入佢地度(雖則我而家先大二)
我將來都會好似佢地咁戴住四方帽帥氣咁影番輯相~ ha~

將來既事我就睇唔到,
不過呢, 過左去既, 可以慢慢回味、咀嚼~
所以我將我之前po 過既文一篇一篇咁睇番.
ha, 其實有d 而家睇番, 已經冇左哥時強烈既感受.
取而代之既係~
對於之前所錯過而留低既遺憾...

-------------------------------------------------------------
不過呢~
遺憾唔會掛係口邊, 應該放係心底, 作為我心中既指南針~~~