王子的傷，已經一天比一天好起來，很快他就可以好似之前咁樣，成日「親親」呢個已經好耐冇見的好朋友 – 足球 - 了。

響呢段咁艱苦的康復期，幾咁辛苦的treatment，王子都一一捱過了。雖然以後佢又多了一道傷痕，我覺得只係令佢又多一分帶點點滄桑的男人味而已，他一定非常like呢。

只係，我的情況就愈來愈差。上次的約會，王子同我都受了重傷，為了令王子專心療傷，我冇同佢講我受了傷的事。

我一直都覺得，自已個心雖然好痛；不過，今次都一定會好似之前我受的傷那樣子，不消三兩日就可以好番晒；不過，原來係冇可能的，因為今次的傷太嚴重了，就算係王子都冇把握治好我。

而家我每日都好累，成個人冇晒力，情況一天比一天差。

… 姐姐的一句說話，令我終於知道，佢根本就冇鍾意過我，一直以來只係我自已一廂情願的做埋d冇意義的事 …

又畀呢個死人王子說中了；只係，我冇後悔過咁樣做。人總會為追求真愛而做一d好傻、好無聊的事，就算要陪上自己的一切，以至生命都在所不惜。

我終於可以體會到呢種感覺啦，不過累到王子之前受了咁嚴重的傷，我都覺得好對佢唔住。

係咪好似嗰d交低遺言就自殺的人？如果你真係咁諗的話，congratulations，你估中了一半。我係要盡快講低一d說話，唔係會冇機會講；而我唔係要自殺，只係我覺得自已的生命已經到了盡頭…

我覺得愈來愈冷，愈來愈冷…眼皮很重的，已經開始看不見東西，也聽不到聲音..

王子，各位我的好朋友，我要走了；如果將來有機會再見的話，mimu仔我都好希望可以同你地一齊玩，一齊食嘢，一齊踢波…

再見了….