大學生活
呢幾個月以嚟，由於王子要休養的關係，所以一直都係我去幫佢上晒d堂。結果，我就可以試下所謂大學生嘅生活；與此同時，佢要我跟住佢嘅fd，學下佢嘅處事態度，好似話咁會令我快d長大wor。

幾天前，王子終於養好晒d傷，而我嘅學期都就完啦；咁佢就同我一齊分享一下返咗咁耐學的感想。咁因為我同佢各返了一個學期，所以就有得比較一下。

我地係集中響幾樣嘢嚟分享：

1. 今個學期的同學
2. 校園生活
3. 個人感想

響1方面，我就覺得，今次的同學唔錯；不過王子就話：

「真係？！我覺得，只係『勁cheap』同『cheap』嘅分別咋wor，上個sem d人就係『勁cheap』，就算係而家嗰d都唔慌好得去邊啦。」
「你又知？你又冇去上堂，你點會有呢種諗法架？」
「你理得我呀！！！」

咁2又點呢？王子嗰陣就係一放學就走去馬會，只係返學至會返去。至於我呢，聽王子講你就知啦…

「搞錯呀你！日日一放學就走返嚟屋企！我雖然上學期都係咁，冇人叫你學我架，d卡通片係咪真係咁好睇，搞到你日日下午都坐響度睇呀？！」
「咩wor，咁你個fd咪又係咁！你叫我跟住佢呀嘛！關我咩事wor！人地淨係識走去返工，咁我唔通又一齊返埋一份咩？」
「咁你可以搵其他fd架….」
「冇識到新fd呀。」
「……..咁你到底學到d咩嘢呀？」
「跟你個fd學了如何以一個二十歲的年青人的身份，卻有一個三四十歲的叔叔的行為同心境之外，冇啦。」
「…….我除了同你地兩個一人講一句『咁多人死，唔見你死！』之外，重有咩可以講呢….」

至於3呢，em…我都唔知可以講咩lu…我諗王子都係差唔多啦，都係希望下年唔會都係咁啦，最好就。