所謂做大事不拘小節,對此我並不認同
今日要講既大事,係我地經常都會做既事
而且係非常私人的事

我有唔少既朋友都中意帶d報章雜誌入厠所解決問題
但我個人黎講就非常唔中意咁樣
試幻想你'發功'既時候,臭氣運行於整個厠格在所難免
手上既雜誌,草紙,都俾呢股氣流重重包圍....
佢地難免沾上呢股毒霧...
下手睇呢本雜誌既人真係前世囉....

另外,我認為運功既時候應該專心一致
所謂'坐這山,望那山,一事無成'
一路睇雜誌,一路發功,自然不能得心應手
更有走火入魔之險....
喺運功既時候,出口需要多d既血液
如果大家掛著睇雜誌,唔記得出貨
出口就會長時間充血,容易滋長痔瘡...
可見專心辦事係幾咁重要

而我最替用厠格裏面既厠紙抺咀既人擔心
厠紙經過毒霧既侵蝕之後....
唉.........
上天有好生之德,施主回頭是岸啊....