今日出camp去左沙角村的大排檔吃飯
試左一味「蒜茸蒸勝瓜」
雖然是簡簡單單的一道菜
但係好好味
我已經有衝動要自己煮

於是返到寶林
就即刻去左街市買「勝瓜」
行到個檔口
見唔到有勝瓜的物體
咁我就好醒咁問老闆
老闆就好快咁話我聽：
轉過彎就有啦

當轉左個彎之後
我又懶醒咁指住d瓜問
「呢d係咪勝瓜呀？」
個老闆即時好大聲笑住咁話
「呢d梗係唔係勝瓜啦！
0個 d 先係呀！」
我都即時feel到兩塊面都紅晒
仲有隔離唔關事0既師奶同阿嬸
佢地都用好奇怪、好驚訝、好詫異的x光眼
將我由頭到腳咁掃... 超過一次！！！
瘀... ... 真係好瘀呀

但件事仲未完
個老闆都唔知話佢「好人」定「八卦」？？
又唔知佢係「有心」定「無意」
竟然再加多一句
「 唉~~你連勝瓜都唔知點ge 樣！
你都係唔識點揀架0剌！
等我幫你啦！」
真係要感謝主！
當時無學校的家長在場
如果唔係
肯定將呢件事「發揚光大」
到時... ... 呵！
我仲駛係寶林村出黎行？！

ps：我返到屋企同我媽講呢件事
笑到我媽標眼水
經我同阿媽研究之後
結果得出一個結論
我係知道絲瓜係點 ge 樣
但就係唔知道「絲瓜」原來就係「勝瓜」
我就話
「阿媽點解你無講我聽o架！！！」
「他朝有日我患o左老人痴呆症
「我都一定唔會唔記得「勝瓜」係點ge樣！！！」