尋日Allie入左黎新蒲崗搵我食晏呀﹗佢一見到我，個視線就係我個肚喇﹗^^嘻嘻~佢好興奮啊﹗仲用隻手去摸添﹗正傻瓜~~

我帶左佢去一間，我近期愛上左既餐廳，佢坐低冇耐，就拎個相機出黎影喇﹗話要影下我同BB喎﹗我黎既目的，緊係叫超好味既"拖肥朱古力"黎飲啦﹗真係勁勁勁正呀﹗^^呵~過左陣，佢就拎袋台灣既手信俾我——"芋頭酥 & 雞蛋方塊酥" ((多謝晒啊﹗))，佢話原本仲有一包o係泰國買既辣尤魚架﹗諗住買俾我老公食，佢去完旅行返黎就放o係屋企收埋左，點知佢屋企人咁都搵到出黎，結果緊係食左啦﹗哈哈~^^我老公都係冇口福架喇﹗嘻嘻~^.^

我地坐左都有個半鐘喇﹗可能太耐冇見啦﹗特別多野講，如果佢唔係要去尖沙咀試姊妹裙，我諗我地仲有排傾架﹗下次又唔知幾時出黎見面lu﹗到我送佢去搭車既時候，佢又拎部相機出黎影，話頭先未影夠喎﹗哈哈~~