今日一早老公就陪我去QE產檢...

驗尿...量血壓...度高...磅重...

做完之後就等見姑娘...

見姑娘時...佢話我知驗血結果正常..之後又要再等見醫生...

到見醫生...都係問返我有冇咩唔舒服同一D詳細資料...

到佢檢查我身體狀況同個肚既時候...有少少唔自然..

因為佢掂我身體啊﹗不過好彩係女醫生...嘻嘻~

檢查心跳喇﹗初初係聽到我果個先既...醫生話我知跳得快D果個就係BB個心跳喇﹗

但果時我係聽唔到有一個係快D架﹗

之後醫生再細心咁搵BB個心跳...

@@我終於聽到喇﹗真係跳得好快呀﹗好得意呀﹗

我同老公一聽到...兩個都笑左出黎啊﹗

呢個就係我同老公既BB個心跳聲呀﹗有一個小生命o係我個肚度啊﹗

聽完之後...好想見下個BB...但要到30號先見到喇﹗

今日冇得照超聲波...同埋之後唔洗去咁遠產檢喇﹗

轉左我去屋企附近既健康院做產檢就可以LU﹗

下個星期先去私家照下係仔定女啦﹗