習慣早起既我, 今日變左條懶蟲, 十點幾先起身大掃除。

屋企得果五百幾呎, 估唔到都要由朝早十點幾抹到五點幾, 真係好辛苦。

清潔完間屋之後, 仲要幫熊仔沖涼, 好在剷晒毛既熊仔個身好快乾, 沖涼連埋吹毛都係用左唔洗一個鐘就攪掂晒。

沖完涼後就落觀塘會合熊熊 & 熊熊細佬, 我地分別去左ａｐｍ, 德福, 新都城 shopping, 好在亞細佬有揸車, 佢兩姐弟買咁多野真係會拎到手都斷 = ="

之後我同熊熊去左行將軍澳個花市, 真係估唔到多人到要實施人流管制。我地好快就咁行左一個圈, 我用左＄２０買左 Keroro 貼紙同埋電話繩, 而熊熊就用左＄９８買左兩個雞丁公仔同埋一個 cushion。

另外, 響打呢篇日記前, 我已經做出第一件狗年白痴事件 = ="

話說年三十晚要著住一套紅色內衣, 喻意來年一定會鴻運當頭。
當我著好晒內衣加睡衣後, 企響鏡前照鏡時, 驚喜地發覺自己上圍突然地有睇頭, 跟住我望一望再想一想, 發現原來自己件睡衣已經有墊...

同一時間著兩件既感覺係...好勁 ＸＤＤＤＤＤＤＤＤＤ