2006-01-22 00:47:31Yan
熊仔 ( XLIII )
下午一點半帶熊仔去剪毛, 到六點十五分收到寵物店既通知...
店員：「熊仔個身同埋隻手ｄ毛打晒結, 但隻腳就冇事 。」
↑因為我剩係幫熊仔梳腳 ^^"
我 ：「係呀？！ 咁點算呀？」
店員：「梳唔到裝架喇, 如果堅持要梳裝要俾解毛費, 唔梳裝就同你剷晒ｄ毛。」
我 ：「唔該剷晒佢丫！ er...幾時可以俾返隻狗我呀？」
↑剪五個鐘都未剪完 = ="
店員：「大約半個鐘...你七點黎接佢啦！」
響寒冷天氣警告下, 被剷晒毛既熊仔, 同上次一樣...好似隻鹿。
身型細左三分一, 著起件衫都顯得特別鬆身。