2005-12-25 03:54:10Yan
平安夜
平安夜跟Anne屋企人去左灣仔參加子夜彌撒。
由於神父ｄ英文怪怪的, 成個聖經故事, 我淨係聽得明三分之一。 = ="
後來Anne問我聽唔聽得明, 我好老實講佢知我聽唔明。跟住佢話我知個神父係西班牙人, 所以ｄ英文會好難聽得明, 連佢自己都要好留心先聽到神父講乜。
彌撒完左之後, 我地一大班人圍埋一齊唱聖誕唱, 好有節日氣氛 ^^
當我好開心咁慶祝聖誕節時, 響屋企有隻可憐既狗冇飯食......
我差唔多零晨兩點先返到屋企, 我一開房門, 就見到成地報紙, 我懷疑熊仔餓到食報紙充飢。
跟住我即刻餵熊仔食飯, 唔知佢真係食飽報紙定係發脾氣, 佢竟然唔肯食飯！我用盡方法「乙水」熊仔, 佢都唔理我, 一時坐定定望住兜飯, 一時就走返入籠呆坐, 搞到我Ｒ晒頭, 最後隻衰仔要我又摸又鍚先肯乖乖食飯 = ="