2005-10-27 00:18:00Yan
小學同學
放工後, 約左一個超耐冇見既小學同學食飯。
估唔到呢個咁耐冇見既同學仔, 講野既方式勁同我相似...一樣咁粗鄙 :p
哈哈！ 竟然除左我家姐之外, 仲有女仔會同我一樣好鐘意用個「那」字, 見到隻大狗, 同樣會用「老練咁大隻」黎形容......
感覺非常之親切 ^^
我相信響過去既日子, 呢位同學經歷左好多野, 我覺得佢好叻, 佢講左好多野俾我知, 仲教識我好多野, 令我有即時開曉的感覺。
一餐普通的聚舊晚飯, 好似上左寶貴一課！
臨走前, 同學仔仲送左本佢新買既書俾我睇......今晚真係有賺呀 ^^