今日肯定係俾太陽擺到明乾煎既一日～
大家唔肯去大浪西～結果搭船唔知去左邊！
上左船先知個度無士多無救生員無沖身地方～個灘仲好細！
哈～我地只有４包薯片．３支水．２ｐａｃｋ　ｌｅｍｏｎ　ｔｅａ！
但預計係由１１ａｍ玩到６ｐｍ....：）

前幾日好多人都話今日會落雨～但太陽今日一直都無收過！
響無太陽既情況下～個個都變人乾～野飲又熱晒～
玩到點幾２點～ｄ乾糧都清晒～我地唯一既希望就係等阿婆划艇過黎載我地過隔離買野食～我地既ｌｕｎｃｈ就係＄２０公仔麵＆＄８汽水！

我最好既朋友～嘉儀唔舒服；清清臨時要返工；小慧請唔到假～佢地全部去唔到！
不過都仲好多人～有家琪．Ａｐｒｌ．蜆王．班長，仲有好耐無見既阿餅．膠水．ｎｅｗ　ｗｉｎｇ．ｌｕｌｕ　＆　趙仔！
自畢業之後～有ｄ都已經無乜點見過！

我同膠水個水泡一樣～
Ａｐｒｉｌ玩得唔夠痛快～
班長依然唔知想知～玩紅綠燈時，竟然問係唔係細個時候既玩法？下～大家完全唔知佢想點？
我玩數字球時～我拋高個波，到跌落黎時，竟然擊中返我個頭．．．唔明點解咁黑仔？？？

返到碼頭～大家諗住去體育館沖身～～點知太多人～身都無得沖就返屋企！
我諗我好肚餓～平時一個飯盒都食唔晒～不過今晚竟然食晒成個ｘ雞飯！
之後就好早訓覺～咁樣曬一曬～我黑黑黑...黑左好多！