７月２３日～第一天假期：

期待已久既曼聯賽事～今日終於響大球場１６：００ｐｍ舉行！
但欣賞曼聯之前～首先同嘉儀短聚一小時先！自從嘉儀轉左工之後～我地已經少見左！因為佢而家份工終於都有工作上應該有既忙碌！

之後～約左你～１５：３０ｐｍ響銅鑼灣等！
好倉促～因為我地仲要去馬會買波！
剩低１５ｍｉｎｓ既時間～就要好急急腳行去大球場啦．．．
哼～～～原來好多ＨＫ人同我地一樣都係無時間觀念！
５５分～大家依然都未入場．．．身於大球場外～聽到大球場內既歡呼聲！
我終於都明白咩係＜熱窩上的螞蟻＞！！！

又哼～～～我地２個位～其中一個竟然俾個懶係英文勁既肥婆坐左！
同佢講～俾埋飛佢睇～個肥婆都要話唔係唔係！
根本擺到明就係～肥婆同佢個朋友根本每邊都空左一個位！
佢唔肯讓～仲要打開個袋唔知搵乜～基本上已經係開左波！Ｓｕｃｋ～
都係佢朋友識做～見到我唔耐煩咁望住佢地！終於都醒水識左坐返隔離！

雖然唔係曼聯ｆａｎｓ～但見到曼聯覺得好興奮！
我而家學識左好ｂａｌｌ就要拍手～作為一種支持＆欣賞；做得唔好～要噓！
氣氛好好～好好玩！只係衰在我手上無打氣既條條！

１８０分鐘既賽事～響咁熱鬧既氣氛下．．．感覺上ｄ時間都過得特別快！
但曼聯既表現俾想像差～
第一個入球：曼聯求其既角球～求其咁頂一頂～咁就求求其其入左！一ｄ緊張刺激都無～失望！
結果２：０～曼聯獲勝！
但其實都睇得好開心～因為同我最鐘意既朋友睇！

曼聯之後～就係我最鐘意既皇馬！
２０：００ｐｍ響北京踢～
可惜我實在太眼訓～未訓之前１：１～醒左之後３：２！
皇馬險勝～北京現代竟然可以威脅到皇馬！

１２：１５ａｍ～響Ｔｉｍｅｓ　Ｓｑｕａｒｅ睇神奇４俠！
完全係＜超人特攻隊＞真人版～我想做霹靂火～因為可以飛！
你想做隱形人～因為好多ＦｕｎｃｔｉｏｎＳ！

之後～同朋友開左個私之派對！
竟然又有波睇～係我以前鐘意既利物浦～其實我係鐘意Ｏｗｅｎ（而家響皇馬）！
我地玩啤牌～成日都係我輸～成日都係我飲．．．３支都有！
我都係唔飲得～３支都已經令到我行唔到直路！

（悄悄話：本來有一件好值得響派對慶祝既事．．．我地買左波～打電話去問賽果～電話逐場賽事公佈～第一條中～第二條都中～第三條中埋！！！～好開心！因為派成２０００蚊！第一次中咁多～我好興奮同唔相信！點知～拎返張飛睇．．．原來唔小心劃錯場號～買錯飛！～你千祈唔好再唔開心！中得一次～一定有下一次！～你並唔係黑仔呀！）

終於玩到５ａｍ先訓～第一日假期響酒醉之中結束！　：ｐ

（待續．．．）