星期日中午,本打算回愛樂執譜,但臨時有約,出左新城市同一班”姐妹”(中同)食晏,當係同其中兩位餞行. 談到各人近況, 有的很好, 天天工作天, 人工又好; 亦有人轉左新工, 尚算可以; 有的仍努力搵工中; 當然還有些係有排都未畢業的…一個讀醫, 一個讀建築二年級, 還有漫漫讀書長路要走. 飯後在餐廳”打den2”了好久, 隨後開始周圍行住聊天…雖可消耗較多卡路里, 然我雙腿天生不是行街腳, 到了後期實在好.

四點幾,曲終人散, 偏偏晚上愛樂慶功, 無謂回家, 但雙腿發麻, 行下書局的心情亦沒有, 乾脆隨便找個地方坐下…hea 到六點, 團長偉大的載埋龍婆同我去poly食自助餐.

依然有生蠔及魚生, 我繼續放棄…熱盤唔錯, 糖水呀西瓜呀涼粉都好吃, 後來吃了蘋果批及朱古力蛋糕亦不錯, 但該晚作戰能力偏低…本來就唔高都係事實…點解個個以為我可以食得多?

餐後本想與龍婆等去飲野, 但以為翌日要返工而痛苦地回家…

回到家, 先檢查電郵…老天! 原來first day係星期二而非星期一…白痴的我!! 更痛苦…我…要…飲…野……….