當我睇見朋友既ＸＡＮＧＡ。

一個拍左兩年拖，
因為個女友覺得淡左定因為覺得男友無時間陪佢講分手，
個男仔日日打ＸＡＮＧＡ，
講自己幾中意佢，講以前點點點，
問個女仔點解決絕到所有野都唔記得晒。
講到自己好慘咁。
話自己無話邊個岩邊個錯，
但言論間就係話個女仔，
唔通佢少左陪佢就要分手？
唔通兩年既感情話淡就淡？

我唔知佢地之間如何。
但我真係好討厭人地係ＸＡＮＧＡ打晒呢Ｄ野出泥。

人地睇到你ＸＡＮＧＡ會點諗個女仔丫，
個女仔睇到你咁話佢會有咩感受丫。
講到自己咁中意人，挑。

雖說ＸＡＮＧＡ係自己抒發既地方。
但佢亦無可厚非係一個好ＰＵＢＬＩＣ既地方。

係既，曾經我都試過咁。
真係ＳＯ　ＳＯＲＲＹ。

唉，做咩咁嬲呢。

又，
佢話佢地真係好登對。

又，
另一個朋友同女友２０個月，
感情似乎出現左Ｄ問題。
佢話：

過了二十個月的日子，每天對我說的話已經不是我愛你，
而是感覺不到我愛你
猜疑，試探，冷戰好像已經變成我們每天必玩的遊戲，
我明白是出於你很愛很愛我，也基於我給你的安全感不夠
能維持的,每次和你吃飯也吃開心,因為在餐桌上我們總是很合拍
都不喜歡青豆,車里子,一邊咀嚼,一邊說的東西,比平時甜美極了

，

只是突然覺得，
依家幾甜蜜，幾夾，其實都唔ＧＵＡＲＡＮＴＥＥ　Ｄ咩。
我唔係覺得依家開心咪得囉咁。

我覺得，其實遇到一個中意既，夾既，對自己好既，相處得好既，
真係唔係容易既事。真係無限幸運。
未來從來不能預計，依家既承諾、愛都保證唔到咩。
我地可以做的是珍惜，
唔可以做Ｄ咩傷害對方同彼此間既感情；
唔可以輕易放棄；
同埋用心經營。

我打泥除左係比說話你聽，
亦係比你多一點信心。



ps, i love you.